Ýakynda Ahal welaýatynyň bedenterbiýe we sport baradaky Baş müdirliginiň we Türkmenistanyň Karatedo federasiýasynyň bilelikde sportuň karatedo görnüşinden açyk çempionaty geçirildi. Bu ýaryşa ýurdumyzyň ähli künjeginden ýaş türgenleriň 200-den gowragy gatnaşdylar. Ýaryşyň netijesi boýunça Balkan welaýatynyň ýaş türgenleri toparlaýyn birinji, Aşgabat şäheriniň topary ikinji, Ahal welaýatynyň topary bolsa üçünji orna mynasyp boldy. Ýeňijilere hormat hatlary we gymmat bahaly sowgatlar gowşuryldy.
