Kaka etrabynyň Şükür bagşy daýhan birleşiginiň çäginde ýerleşýän “Ýigit” hojalyk jemgyýetiniň ýyladyşhanalar toplumynyň gurluşygy “Eziz doganlar” hojalyk jemgyýeti tarapyndan alnyp barylan. Bu ýyladyşhana 2019-njy ýylda tapgyrlaýyn açylyp ulanylmana berildi. Ýyladyşhananyň umumy tutýan meýdany 34 gektar bolup, onuň 30 gektary hasyl ýetişdirmek üçin niýetlenen. Ýyladyşhanada pomidor ösdürip ýetişdirilýär. Öndürilen pomidorlar “Mahmal” haryt nyşany bilen daşary ýurt döwletlerine eksport edilýär.
